ينتقل فيروس كورونا بطريقة مباشرة بواسطة رذاذ الكحة والسعال وبطريقة غير مباشرة عن طريق نقل العدوي باليد إلى الأنف أو العين أو الفم
حتى الأن لا يوجد مصل واقي من كورونا، لكن الحل المؤكد لتقليل فرص الإصابة هو النظافة الشخصية
غسل اليدين بإستمرار بالماء والصابون لمدة ٢٠ ثانية أو إستخدام الكحول عند عدم توافر الماء والصابون
عدم لمس الوجه إلا بعد غسل اليدين »»الموضوع صعب جداً بس نقدر نتعود عليه
استخدام مناديل ورقية عند العطس أو الكحة ورميها مباشرة وغسل اليدين، بلاش القماش اللى بيستعمل أكتر من مره، لو مش معايا منديل ورق يبقى استخدم الكوع
تجنب ملامسة الأسطح ما لم تكن مضطراً لذلك. مثلاً ممكن تدفع الأبواب بضهرك بدلاً من إيدك
السلام الشفوي أو التلويح باليد بلاش المصافحة والأحضان
ابتعد عن الأشخاص المصابين أو التجمعات
لبس الكمامات فى الأماكن المزدحمة
لو وجدت عندك الأعراض وشكيت إن عندك الفيروس متتحركش من بيتك وبلاش تروح أى مستشفى أو صيدلية إلا لما تتصل بالطبيب أو الأرقام المخصصة منعاً لإنتشار الفيروس
الكلام عن تقوية المناعة بفيتامين C أو الثوم أو العسل لا يوجد ما يثبت صحته فى تقليل الإصابة بالفيروس
إيه الحاجات اللي ممكن تنقلك كورونا ؟
الموبايل
الموبايل هو أسهل حاجة تنقلك الفيروس لأنه بيتجمع عليه أي فيروسات و بكتريا، عشان كدا لو أنت برا البيت قدامك حلين…
١- متلمسش وشك بإيدك
٢- تطهر الموبايل و تمسحه بالكحول
بعد ما تروح بيتك اغسل ايدك و طهر الموبايل بقطنه و شوية كحول
الكمامة
مفاجأة ! ، الكمامة القماش سهل الفيروس يلتصق عليها ، ممكن و انت بتشيلها بإيدك ينتقل من الكمامة لإيدك فتلمس وشك و ينتقل الفيروس ليك
لبس الكمامات مهم ، لكن ضروري تخلي بالك ان بعد ما تقلع الكمامة تغسل ايدك
دراع البلايستيشن
بعد تعليق الدراسة هتنزل تلعب بلاي ستيشن ، الدراع اللي هتلعب بيه ممكن يبقي سبب نقل عدوى ليك ، ممكن تاخد معاك ازازة الكحول و طهره بيها ، او لو نسيت الكحول اغسل ايدك علي طول بدون ما تلمس وشك
المصافحة
طبعاً دي مش محتاجة كلام
البوس وأحضان البنات
اخواتنا البنات يكتفوا بالسلام من بعيد بلاش احضان المطارات دي
الكحة / العطس
لا مؤاخذة لما تيجي تكح او تعطس حط منديل علي بقك او مناخيرك عشان لو لاقدر الله مصاب بحاجة متنقلش العدوى او تحاول تقلل من فرص نشرها قدر الامكان. ياريت مناديل ورقية وترميها علطول وتغيل إيديك بعدها بالماء والصابون
الفلوس
الفلوس مليانة ميكروبات و فيروسات و ممكن الفيروس ينتقل منها من شخص للتاني ، يا اما تطلع فلوسك بالمنديل ، او بعد ما تطلعها تطهر ايدك بعدها
اللعب في المناخير
بعد اذنك بلاش تلعب في مناخيرك اليومين دول ، عشان لو ما مُوتناش من كورونا هتموتنا من القرف
دركسيون العربية
لو عربيتك بيستخدمها حد غيرك حاول تنضف الدركسيون و الفتيس أول بأول ، بعد كل استخدام بالكحول
إستخدام أدوات شخصية
بلاش تستخدم الأدوات الشخصية بتاعت غيرك
للمرة التريليون ، إلغاء الدراسة و وقف التجمعات هدفهم تقليل نسب الإصابة قدر الامكان ، من فضلك اقعد في بيتك و بلاش تخرج إلا للضرورة ، تعامل مع الموضوع عادي جداً و بلاش قلق.
مصر عملت أجازة علشان تقلل التجمعات..
الناس تقعد فى البيت [color:335f=rgba(0, 0, 0, 0)].
" ======================================================= "
" انتهى الاعلان او الموضوع او الخبر "
خبير سيو تواصل معي : خبير سيو
ميز اعلانك من هنا : اعلان رابط نصي دو فلو على منتديات هندسة بلا حدود 5$ فقط لشهر واحد - متجر خدمة لي
اعلان مميز : امتلك متجر الكتروني احترافي مع منصة استقل
خدمات تحسين سيو المواقع
" فضلا وليس امرا شارك الموضع مع الجميع عبر المواقع لتعم الفائدة "
البلد
الاوسمة الخاصة
عدد المساهمات : 
السٌّمعَة : 
الأحد 12 أبريل 2020, 10:14 am
هام جداً: قوانين المساهمة في المواضيع. انقر هنا للمعاينة 
