دليلك الشامل لتصبح مصمم جرافيك ناجح 0610
اعلانات ادارية
  • ♥♥ راسلنا لوضع اعلانك او من خلال شراء خدماتنا من خمسات وستحصل على مميزات اعلانية خيالية ♥♥

  • ♥♥ ادعوا اصدقائك للاشتراك معنا لتصل جميع اعلانات التوظيف واخر الاخبار والمواضيع الى بريدكم الالكترونى مباشرة ♥♥

  • ♥♥ ضع إعلانك معنا مجانا * وبدون تسجيل * ( نحقق لك الاشهار والانتشار وزيادة الاعضاء والزوار لدينا باك لينك عالي وارشفة عالية ومشاركات عبر التواصل الاجتماعي ) ♥♥

  • ♥♥ ( لمتابعة آخر الاعلانات والوظائف والمواضيع والاخبار أولا بأول يرجى مراجعة موقعنا من كل حين لآخر حيث يتم النشر وبشكل مستمر لكافة المواضيع المتنوعة والهامة ) ♥♥

* منتديات هندسة بلا حدود * يتم تفعيل الحساب خلال 24 ساعة من قبل ادارة المنتدى او من خلال ايميل تسجيل العضو مباشرة *

ضع إعلانك معنا مجانا * وبدون تسجيل * دليلك الشامل لتصبح مصمم جرافيك ناجح Images21


شاطر


بيانات كاتب الموضوع
دليلك الشامل لتصبح مصمم جرافيك ناجح
كاتب الموضوعرسالة
المعلومات
الكاتب:
اللقب:
عضو متميز
الرتبه:
عضو متميز
الصورة الرمزية

mahmoud-alneder
البيانات
البلد البلد : فلسطين
الاوسمة الخاصة الاوسمة الخاصة : عضو جديد
الجنس الجنس : ذكر
عدد المساهمات عدد المساهمات : 110
نقاط نقاط : 3990
السٌّمعَة السٌّمعَة : 2

الإتصالات
الحالة:
وسائل الإتصال:
https://www.linkedin.com/in/nabeel-aldam-68961713bhttps://daleelk.yoo7.comhttps://facebook.com/Brmjyatrom3dhttps://twitter.com/brmjyatrom3d

موضوع: دليلك الشامل لتصبح مصمم جرافيك ناجح دليلك الشامل لتصبح مصمم جرافيك ناجح I_icon_minitimeالجمعة 27 مارس 2020, 3:49 am

اذا احتوت المشاركة صورا - قم بالضغط عليها لعرضها بحجمها الطبيعي





منتديات هندسة بلا حدود : دليلك الشامل لتصبح مصمم جرافيك ناجح



دليلك الشامل لتصبح مصمم جرافيك ناجح
ددليلك الشامل لتصبح مصمم جرافيك ناجح، سواء كنت بتفكر تغير مهنتك الحالية Career shift أو مهتم بالتصميم بس مش عارف تبدأ إزاي أو إيه الحاجات اللي المفروض تعملها علشان تقدر تبقي في مستوي أحسن فيه، أو حتى بتحب التصميم وحابب تتعلمه بشكل أفضل، المقال دا أوعدك إنه هيكون أفضل مسار تعليمي في مجال التصميم.
دا لإن هتكلم فيه عن حاجات كنت أتمنى أعرفها وانا في المرحلة اللي أنت فيها دلوقتي.. وأيوة كلنا مرينا بالمرحلة دي، مستعد؟ يلا بينا :slight_smile:


المقال بيتكون من 8 أجزاء رئيسية مختلفة، لتسهيل الوصول للمعلومة اللي بتدور عليها دي قائمة بأقسام المقال، بالضغط على أياً منها سيتم تحويلك مباشرة للجزء دا في المقال بدون الحاجة لقراءته بالكامل:


ما هو تصميم الجرافيك؟
عناصر التصميم الأساسية.
مبادئ وقواعد التصميم الأساسية.
إزاي أختار التخصص المناسب في تصميم الجرافيك.
إزاي أطور نفسي عشان أكون مصمم جرافيك؟
أهم مصادر التغذية البصرة والإستلهام.
إزاي تطور أسلوبك الخاص  بعد كونك مصمم جرافيك؟
الخلاصة.


ليه عايز تكون مصمم جرافيك؟
قد يكون السؤال صادم بعض الشيء، ولكن هو أهم سؤال في المرحلة دي، لازم تعرف الهدف من رغبتك في إنك تكون مصمم جرافيك قبل ما تاخد أي خطوة.
غرد على تويتر 
من ناحيتي أوعدك إنك بنهاية المقال تكون جاهز تماماً لبدء رحلتك كمصمم جرافيك ولكن في المقابل هطلب منك تعمل حاجة بسيطة، وهي إنك تحدد هدفك من تعلمك تصميم الجرافيك، ليه؟


لإن لو هدفك مكنش واضح أو كان الدافع هو حماس زيادة مثلاً، هتلاقي نفسك مع الوقت بتفقد شغفك تجاه التصميم ومش بعيد يكون دا نفس السبب اللي خلاك فقدت شغفك تجاه حاجة تاني كنت بتعملها واتجهت لتعلم التصميم، هل هتحب دا يحصلك مرة تانية؟ بالتأكيد لأ.


لذلك عايزك قبل ما تاخد أي خطوة فعلية في تكملة الكلام اللي جاي أقف دقيقة وفكر فعلياً وبشكل جدي في رغبتك في تعلم التصميم، وإيه الهدف النهائي اللي عايز تحققه؟ ويفضل لو تكتبه في ورقة وتحتفظ بيها أو حتي النوت بتاعتك، واسأل نفسك هل الهدف دا قوي كفاية؟


بعد ما تخلص التجربة البسيطة دي دلوقتي هبدأ أشارك معاك أكتر من سبب لتعلم التصميم ممكن يساعدوك.


أول وأكتر حاجة بتميز مجال التصميم هو إنه أي حد خياله واسع وبيفكر بالشق الأيمن من دماغه -تفكيره شمولي وإبداعي مش تحليلي يعني- يقدر جداً يبقي مصمم جرافيك، وكمان مش لازم تكون موهوب أو بتعرف ترسم او حاجة علشان تكون مصمم جرافيك ناجح علي عكس ما كتير من الناس متخيلة!


دا لإن التصميم ببساطة عملية عقلية بشكل كبير، لما بشتغل على تصميم أو فكرة ما انا بعملها في خيالي بالكامل وبعدها ببدأ أنفذها، يعني لو عملناها في صورة نسبة مئوية ممكن تكون 70% خيال وتفكير و30% بس مهارة في التعامل مع برامج التصميم المختلفة.


تعلم أن تفكر كمصمم جرافيك قبل أن تتعلم برامج التصميم!
ودا بيوضح حاجة مهمة أغلب اللي بيبدأوا في مجال التصميم بيقعوا فيها وغالباً بتكون السبب الأكبر في عدم قدرتهم علي الاستمرار.


وهي إنك تبدأ تتعلم برامج التصميم قبل ما تتعلم التفكير كمصمم أصلاً، وطبعاً دا غلط كبير جداً، لإن ببساطة وظيفة برامج التصميم الأساسية هي مساعدتك في تحويل الأفكار اللي في خيالك لحقيقة ملموسة أو مرئية بشكل سريع وسهل مش أكتر ولا أقل.


 لو بتفكر تكون مصمم جرافيك، مهم تتعلم التصميم كعقلية وأسلوب تفكير قبل ما تفكر تتعلم البرامج المستخدمة في التصميم زي الـ Photoshop مثلاً.
اتعلم التصميم بشكل عام وإزاي تفكر كمصمم لإنك لو خبير في الفوتوشوب لكن معندكش أفكار مش هتنتج حاجة!


والسبب التاني إننا لو هنتكلم بلغة الـ Marketing ونقول:


“Content is The King” يبقي من حيث الشغل انا مقتنع تماماً إن


The Designer is the King


لسبب بسيط جداً إن المصمم يقدر يشتغل بشكل منفرد ومش لازم يكون مرتبط بفريق عمل كامل وحتى دوره في الفريق بيكون غالباً آخر وأهم حاجة، وفي الحقيقة دي نقطة قوة جداً في التصميم.


والسبب التالت إنه -بالتأكيد- واحد من أكتر المجالات اللي عليها طلب في مواقع الفريلانسينج المختلفة، وتقدرك تبدأ بيه طريقك كفريلانسر بشكل سلس وجميل.


ممكن أكتب من الأسباب مقال كامل، ولكن هكتفي بالقدر دا من الأسباب لإتاحة الفرصة لما هو قادم.
إيه هو تصميم الجرافيك؟
بعد ما عرفت أسباب كافية تخليك شغوف أكتر إنك تكون مصمم جرافيك، لازم تعرف إيه هو التصميم أصلاً، وفقاً لـ Wikipedia


التصميم الجرافيكي هو عملية الاتصال المرئي وحل المشكلات من خلال استخدام الكتابة والصور والرسم التوضيحي.


قد يكون الكلام دا معقد وغير مفهوم بعيداً عن الكلام الأكاديمي، تعريفي الشخصي للتصميم هو ببساطة “عملية نقل رسالة” أنت كمصمم دورك الأساسي هو إنك توصل رسالة معينة وبتستخدم في توصيلها عناصر التصاميم المختلفة ودا قد يكون شرح أكثر بساطة للموضوع.


ولكن حاليا أنت المفروض تكون بتسأل سؤالين مهمين:


إيه هي عناصر التصميم المختلفة؟ وإزاي أقدر أستخدمها في توصيل رسالة مرئية؟


السؤالين دول بالتأكيد من الأسئلة اللي هيتم مناقشتها في الجزء دا من المقال.


بعد ما عرفت ليه تبقي مصمم وعرفت إيه هو التصميم أصلاً، دلوقتي أنت مستعد تعرف مبادئ وأساسيات بسيطة تخليك تقدر فعلاً تبدأ في مجال التصميم حتى لو مكنش عندك أي خبرة فيه قبل كدا.


1- عناصر التصميم الأساسية
1. الألوان
الألوان بعتبرها أهم عنصر في التصميم وهي أهم عنصر في حياتنا بشكل عام، لذلك لازم تعرف كويس جداً سيكولوجيا الألوان، وإيه دلالات كل لون؟ وأمتي وليه تستخدمه؟ ومع مين؟ وإزاي توظف الألوان في نقل الرسالة اللي بتحاول توصلها في التصميم؟


أول حاجة بعد ما تقول بسم الله الرحمن الرحيم هي إنك تقرأ كتاب The Language of Colors (متقلقش الكتاب متوفر باللغة العربية وتقدر تحمله بالضغط علي إسمه) ولو دي مش أول حاجة هتعملها بعد ما تقرأ المقال نصيحة شخصية متكملش قراءة، لإنك هتعرف فيه إجابات كل الأسئلة اللي تم ذكرها فوق، ومن غيرها صعب جداً تقدر تستغل الألوان بشكل صح.


ولو حابب تتعمق أكتر واحد من أكثر الكتب اللي أنصحك بقراءتها فيما يتعلق بالألوان هو كتاب Secret Language of Color لإنه واحد من الكتب الممتعة والغنية واللي هتخليك تحب الألوان، وكذلك كتاب Universal Principles of Design.


الخلاصة هي إن الألوان لازم تبقي صديقك المفضل كمصمم، لازم تعرف إزاي تتعامل معاها والأهم إنك تحسها وأنت بتستخدمها، تعالى نعمل تجربة بسيطة:


دي صورة فيها 10 ألوان مترتبين بطريقتين مختلفتين، واحدة من الأدفى للأكثر دفئاً والصف التاني مترتب بشكل عشوائي ياترى حسيت بنفس الإحساس في المرتين؟


بالتأكيد حسيت إحساس مختلف تماماً عن أي ترتيب تاني ليهم، مجرد ترتيب الألوان بس عمل فرق كبير في الإحساس، تخيل حاجات تانية زي اختيار الألوان ذات نفسها.. أعتقد الفكرة وصلت.


طبعاً الألوان هي عنصر من 6 عناصر أساسية في التصميم وهما (الخط/ الشكل/ الاتجاه/ الحجم/ الملمس/ وأخيراً اللون) بس حبيت اتكلم عن الألوان في البداية لأنها الأكثر أهمية.


المقال دا واحد من أكتر المقالات اللي برشحها فيما يتعلق بأساسيات التصميم، هتعرف فيه العناصر الأساسية في التصميم بسهولة جداً.


2- مبادئ وقواعد التصميم الأساسية
تاني حاجة لازم تعرفها، سواء كنت محترف أو لسا بتبدأ ولو كنت بتشتغل على أكثر التصاميم تعقيداً أو أبسطها، أنت في كل الحالات بتستخدم المبادئ الستة الأساسية للتصميم واللي لازم تعرفهم عن ظهر قلب لأنهم أساس كل ما يمكن أن يقال عنه إنه تصميم جيد.


1. الوحدة والانسجام
وحدة التصميم هي أحد أهم عوامل نجاحه، وتقريباً الوحدة هي الحاجة اللي بيسعى لتحقيقها أي مصمم، عشان تفهم الوحدة بشكل أفضل عايزك تفكر فيها كأنها وجبة أنت بتحبها، خلينا نقول بيتزا مثلاً :drooling_face::heart:


البيتزا بتتكون من عناصر ومكونات مختلفة، منفصلين مش هيكون ليهم معني حقيقي (أو مسمي البيتزا) لكن كلهم متجمعين بطريقة معينة هنا بيبدأ يظهر ليهم معني جديد وهو أنهم أصبحوا حاجة واحدة بس وهي البيتزا.


وبالتالي مينفعش يكون في عنصر منفرد أكثر أهمية من البيتزا ككل، كدا الطعم مش هيكون مظبوط، عشان تعمل ألذ بيتزا لازم يكون في توازن جيد بين تنوع ووحدة العناصر عشان تتجنب إن البيتزا تكون معمولة من مكون واحد أو مكون واحد واخد مساحة 50% وباقي المكونات واخدة الجزء الباقي، أكيد مش هتحب الطعم وقتها أو مش هينفع نقول عليها بيتزا.


نفس الكلام دا بالظبط بينطبق علي التصميم، لو عناصر التصميم المختلفة منفردة وكل جزء منفصل عن التاني ومفيش بينهم وحدة وانسجام أنت مش هتقدر توصل رسالة واضحة من التصميم ولا مسمي خاص وفي حالة الوحدة بيتم التركيز علي التصميم ككل مش كعناصر منفصلة.
إزاي أقدر أخلق وحدة وانسجام في التصميم؟
الوحدة بيتم تحقيقها عن طريق خمس قواعد مختلفة وهما:


التشابه: وهو خلق علاقة ترابط بين العناصر المختلفة في حالة تشابهها في أحد الخصائص.
التقارب: وهو الإحساس بوجود علاقة ناتجة عن المسافة بين العناصر.
الاستمرارية: وهو الإحساس بوجود خط أو نمط لاستمرار العناصر.
التكرار: وهو تكرار العناصر المختلفة وتكوين ترابط بينها.
الإيقاع: والإيقاع بيتم تحقيقه عن طريق تكرار خصائص العناصر المختلفة زي اللون، الحجم، أو طبيعة الاستخدام.
الإنفوجراف اللي فوق هيوضح أكتر المقصود بالقواعد اللي سبق ذكرها بأمثلة بتشوفها لسهولة ربط وإيصال المعلومة.


2. التوازن
 التوازن في التصميم أشبه بالتوازن في حياتنا بشكل عام، التوازن بيوفر الاستقرار والقوة في التصميم ودي عوامل بتخلي التصميم مريح بصرياً وجذاب وناجح أكتر.


أنواع التوازن في التصميم الجرافيكي.
التوازن تقدر تحققه بأربع أشكال مختلف وهي:


التوازن المتماثل Symmetry: وهو إن العناصر علي جانبين مركز التصميم تكون متطابقة تماماً.
التوازن غير المتماثل Asymmetry: وهو أن العناصر علي جانبين مركز التصميم تكون مختلفة في الشكل بطريقة ديناميكية.
التوازن الدائري Radial balance: وهو أن العناصر تكون علي شكل دائري من مركز التصميم.
بالمناسبة هل لاحظت وجود أحد أنواع التوازن في الصورة دي؟
معلومة عن التوازن
تعرف إن التوازن بيدخل تقريباً في جميع العلوم زي الهندسة، الكيميا، المعمار وحتي الموسيقى! وإن أشهر وأفضل من استخدموا التماثل هم المصريون القدماء، وهتلاقي دا بيظهر بوضوح في التماثيل وفي مظاهر مختلفة من حياتهم وهما أكثر من أتقن فن التماثل وأبدع فيه.


عشان تفهم أكتر عن إزاي بيتم استخدام وتطبيق التماثل، اتفرج على الفيديو الرائع دا للمخرج العبقري Wes Anderson اللي يعتبر من أكثر المبدعين هوساً بالتماثل في جميع أعماله تقريباً وهتدرك مدي روعة التماثل في إخراج صورة جذابة بصرياً :heart:


3. التسلسل
التسلسل كمان يعتبر أحد أهم عوامل نجاح التصميم، لأنه بيسهل علي المتلقي تتبع وفهم محتوي التصميم بمجرد ترتيب العناصر حسب الأهمية مثلاً، علي سبيل المثال أنت بتقرأ المقال دا حالياً بسهولة بسبب وجود التسلسل!


تخيل إنك تقرأ المقال بالكامل بدون وجود أي اختلاف في حجم الخط أو وجود للأرقام، بالتأكيد هتكون قراءته أصعب، وهيكون صعب عليك كمان إنك توصل لأي معلومة بسهولة، كذلك الأمر في التصميم.
الإنفوجراف دا هيتولى عملية توضيح إزاي بيكون التسلسل وإزاي تقدر تطبقه في تصميماتك الجاية.


بيتم تحقيق التسلسل في التصميم باستخدام 3 طرق رئيسية مختلفة:
التفريعات Trees: وفيها بيتم ترتيب العناصر علي هيئة فروع منفصلة، زي شجرة العيلة مثلاً.
الأعشاش Nests: وفيها بيتم ترتيب العناصر حول بعضها البعض، زي مثلاً إن العناصر الثانوية بتكون أعلى أو أسفل العناصر الرئيسية.
الأوزان Weights: وهو أشهر أنواع التسلسل وأكثرها استخداماً، وهو إن العناصر من نفس الوزن تنتمي لنفس التسلسل بترتيب تسلسلي (زي ما هو واضح في الجزء دا وأنت بتقرأ).


تدريب عملي
خذ حبة اوقت وبص حواليك، هل لاحظت وجود أي نوع من أنواع التسلسل حواليك؟ ياتري لاحظته في كام حاجة؟ متنساش تشاركنا في التعليقات.
4. الحجم أو التناسب
الحجم أو التناسب بيدي علاقة بين العناصر المختلفة في التصميم، العلاقة دي بتظهر تناغم وانسجام بين العناصر وبعضها البعض.


هتلاقي مثلاً إن استخدام الحجم النسبي للعناصر زي مربعين فوق بعض يقابله مربع بنفس حجمهم -زي المثال السابق في التوازن- بيخلق بشكل تلقائي تناغم وعلاقة بينهم وبيجذب النظر لنقطة محورية في التصميم.


كتير ما بيتم استخدام الحجم والتناسب في التصميم بواحدة من الطرق دي:
الحجم Size: هتلاقي إن العناصر ذات الأحجام المختلفة على علاقة ببعضها البعض.
النسبة Ratio: العناصر اللي بتتناسب في الحجم مع بعضها البعض بتظهر بينها علاقة أكثر تناغماً وسلاسة.
الانقسامات Divisions: تقسيم العناصر يساعد جداً علي إظهار إحساس بوجود علاقة بين العناصر وبعضها البعض.
معلومة متقدمة
النسبة الذهبية هي واحدة من أشهر أنواع النسب المستخدمة في التصميم، وبيتم استخدامها كتير في إنتاج صور بصرية متوازنة ومتناسقة وتقريباً بتشوفها كل يوم من غير ما تدرك وجودها، متنساش تعرف أكتر عن النسبة الذهبية وإزاي تقدر تدمجها في تصميماتك.


5. التركيز أو التأكيد
في كتير من الأحيان بيكون في عنصر محتاج يكون عليه التركيز الأكبر في التصميم، وبالتالي التركيز أو التأكيد علي العنصر دا بيكون شيء مهم لإنه قد يكون الهدف الأساسي من التصميم، لذلك التأكيد والتركيز هو من أساسيات التصميم.


ولكن إزاي أقدر أستخدم التأكيد في التصميم؟
سؤال جميل، التركيز في التصميم بيتم تطبيقه بـ3 طرق رئيسية وهي:


التأكيد باستخدام التظليل Highlight: التظليل هنا مش مقصود بيه النوع الحرفي من التظليل واللي أنت شايفه حالياً ولكن التظليل هنا يقصد بيه إنك تخلي العنصر المراد التركيز عليه مختلف في الشكل عن بقية العناصر.
التأكيد باستخدام اللون Color: التأكيد عن طريق اللون هو تماماً زي التأكيد عن طريق الشكل ولكن باستخدام اللون وهو تقريباً الأكثر شيوعاً.
التأكيد باستخدام الحجم Size: التأكيد عن طريق الحجم يتم عن طريق تغيير حجم العنصر المراد التأكيد عليه في التصميم.
ودلوقتي عايزك تشوف الصور دي بنظرة سريعة جداً لكل صورة وتلاحظ عينك اتحركت فين!
بالتأكيد لاحظت إن عينك انجذبت للعناصر اللي تم التأكيد عليها بشكل لا إرادي مش كدا؟ هي دي قوة التأكيد في التصميم، لذلك استخدمه بحكمة.


6. التشابه والتناقض
التشابه والتناقض بيدخلوا في كتير من عناصر التصميم اللي ذكرتها فوق وبعتبرهم من أكثر المبادئ أهمية واستخداماً في حياتنا بشكل عام. 


مثال حي على التباين هو إن وأنت بتقرأ المقال دا اللون المستخدم في الكتابة أسود ودا عكس تماماً لون الخلفية الأبيض والنتيجة إنك بتقرأ بسهولة والكلام بالنسبالك أوضح بكتير من إنه يكون رمادي مثلاً لإنك هتواجه صعوبة كبيرة في قراءته لإن مفيش قدر كافي من التباين.


دا باختصار التباين وهو إنك تختار ألوان متقابلة على عجلة الألوان مثلاً أو تخلق علاقة تناقض بين عنصرين من حيث اللون، المسافة، الحجم، الاتجاه، الكثافة أو أي خاصية تقريباً.


أما التشابه فهو إن الأشكال اللي بتتشابه في نفس الخصائص (زي اللون أو الشكل أو الحجم) بتكون أكثر ارتباطاً من العناصر اللي مش بتتشابه في نفس الخصائص، ودا لأن العين بتخلق علاقة بين الأشكال المتشابهة بكل بساطة.


بشكل أساسي دي المبادئ الستة الأساسية للشكل والتصميم عموماً، ولكن يظل كذلك في كتير من المبادئ غير الأساسية واللي متقلش عنهم أهمية.


هكتفي بس بالحديث عن مبدأ واحد منها لأهميته وكثرة استخدامه وهو الكتلة والفراغ، أو الفضاء أو المساحة، أو المساحة الموجبة والمساحة السالبة دي كلها مسميات لنفس المبدأ.


7. الكتلة والفراغ
 الكتلة أو المساحة في التصميم هي المنطقة فوق، تحت، يمين، يسار أو حتى داخل العناصر نفسها، المساحة بتنقسم لجزئين، مساحة موجبة وهي اللي بيكون فيها العنصر ومساحة سالبة وهي المساحة الفارغة.




Ed’s Electric By Josiah Jost


الاعتماد على المساحة السالبة والموجبة من أهم العوامل في التصميم من حيث الأحساس وكذلك توصيل الفكرة لأنها بتستخدم في عمل شعارات عبقرية زي شعار Ed’s Electric مثلاً لمصمم الشعارات العبقري Josiah Jost (من الشعارات المفضلة بالنسبالي في استغلال المساحة السالبة :heart:).


طبعاً المبادئ دي انا اتكلمت عنها بشكل مختصر علشان أوصلك فكرة مبدأيه عنها، لكن كل مبدأ ممكن تقرأ عنه كتاب كامل منفصل، وأحب أذكر إنك لازم تعرفهم لأن شغلك بيعتمد عليهم فوق ما تتخيل أياً كان تخصصك.


وعلى ذكر التخصص، هل فكرت في إنك لازم تتخصص؟ لو معندكش فكرة يبقي لازم تقرأ الجزء دا من المقال.


3- مرحلة التخصص
بعد ما عرفت عناصر ومبادئ التصميم الأساسية لازم بقى تحدد أنت هتعمل إيه بالظبط، “التصميم” كلمة كبيرة جداً وبيدخل فيها مئات المجالات، بشكل أساسي أكتر 3 مجالات انتشاراً من التصميم هما:


التصميم الجرافيكي (Graphic Design)
تصميم الويب (Web Design)
التصميم الصناعي (Industrial Design)
بافتراض إنك اخترت مجال التصميم الجرافيكي، هنا بقي مهم تعرف إنه برضه بيحتوي على مئات التخصصات الداخلية اللي يمكن أشهرهم:


Photo Manipulation – Retouching – Logo Design – Brand Identity Design – Printings – Advertisement – Typography & Typeface Design – Packaging – Illustration … etc.


كل دي تخصصات من كتير من التخصصات في مجال التصميم الجرافيكي ولكن دول يعتبروا الأشهر والأكثر انتشاراً، ولكن يبقى السؤال …


إزاي أقدر أختار المجال المناسب ليا؟
عشان تعرف إيه أنسب مجال بالنسبالك، دورك هنا إنك تاخد نبذة بسيطة أو تعرف أكتر عن كل مجال من المجالات دي وتختار أكتر حاجة حبيتها أو شايف نفسك مميز فيها وتبدأ تشتغل فيها بس وبشكل متخصص.




مشكلتنا في مصر إننا لسا موصلناش لثقافة التخصص واللي من أسباب إننا بنشوف الغرب مميزين جداً مثلاً! السر في دا ببساطة هو كلمة واحدة “التخصص”.
تخيل مثلاً لو أنت تركيزك على إنك تشتغل في 4 مجالات من دول، النتيجة إنك هتحتاج 4 أضعاف الوقت اللي كنت هتتعلم فيه مجال واحد وتتقنه -على الأقل- وكمان بنسبة كبيرة مش هتتقن كل المجالات وتبقي فعلاً مميز فيها، هتلاقي نفسك نسب معينة في كل مجال لكن مش +95% في مجال واحد!


لكن لما تختار مجال واحد بس -أو أتنين على الأكثر- وتبدأ في تعلمه ساعتها دا هيبقي أسهل جداً وهياخد وقت تعلم أقل والأهم إنك هتتطور فيه بشكل أسرع بمراحل.


مش بقول إنك تختار مجال وتتعلمه ومتعرفش حاجة عن الباقي لأ انا زي ما قولت فوق “دورك بقي إنك تاخد نبذة بسيطة أو تعرف أكتر عن كل مجال من المجالات دي”.


ودا ما يعرف باسم الـ T-Shaped Person واللي معناه إنك يكون عندك خبرة عميقة وكبيرة في مجال ما وكذلك عندك معرفة عامة في باقي المجالات، الصورة دي هتوضحلك أنواع الأشخاص من حيث التعلم.


والقاعدة بسيطة ومعروفة لدرجة النسيان


“اعرف شيء عن كل شيء واعرف كل شيء عن شيء”.


ماذا لو معرفتش تحدد إيه المجال المناسب ليك؟
لو معرفتش تحدد إيه المجال المناسب ليك بكل بساطة جرب نفسك في أكتر من تخصص لفترة من الوقت وأستكشف أكتر في مجالات وتخصصات مختلفة؛


واسأل أكتر من حد عنده خبرة في المجالات دي عن إيه اللي المفروض تعمله لو فكرت تتقن المجالات دي لحد ما توصل للتخصص اللي هتحس فعلاً إنك حابب تعمله وإن هو دا اللي هتكمل فيه.


هتعرف إزاي؟ هتعرف من شغفك وحماسك وأنت بتشتغله ودي حاجة هتحسها تماماً، غالباً أكتر حاجة أنت شغوف بيها هتكون هي أنسب مجال تكمل فيه، وبتمنالك فيه كل التوفيق من ناحيتي :heart:






4- إزاي أطور نفسي كمصمم جرافيك؟
أغلب الناس في المرحلة دي بعد تحديد مجالها بتبدأ تسأل نفسها إزاي أطور نفسي وإيه الكورسات اللي محتاجها مثلاً؟


هن مهم أوضحلك إن في مجالات بتحتاج كم كبير من المعرفة النظرية زي الـ Logo Design مثلاً وفي مجالات تانية بتعتمد على الاستلهام المباشر والـ Tutorials زي الـ Retouch مثلاً.


مصادر المعرفة في كل الحالات كتير ومتاحة لكل الناس الأهم من إنك تتعلم إنك الأول تعرف إزاي وليه تتعلم! ودا في حد ذاته موضوع مقال كامل، كنت كتبت مقال بعنوان إزاي -وليه- تتعلم أي حاجة في أقل من شهر، بيتكلم عن النقطة دي تحديداً.


أي كلام هقوله هنا هيكون مختصر أو مكرر، لذلك أنصحك تبدأ بقراءته بعد قراءة كتاب لغة الألوان بعد قراءة المقال دا بالطبع لإنك هتلاقي فيه المصادر اللي هتعتمد عليها في التعلم وإزاي تستغلها صح.


ودا فيديو جميل لمروان عمرو بيقدم فيه “أهم 5 مصادر لتعلم الجرافيك” هتلاقي فيه مصادر متنوعة وأشخاص وهيفيدك جداً في تعلم الجرافيك من مصادر مختلفة.


التعلم بالمحاكاة
هتكلم بس في نقطة إضافية مش موجودة في المقالين لارتباطها بالتصميم علي وجه الخصوص وهي التعلم بالمحاكاة أو التقليد.


مهم تعرف إنه مش عيب ولا غلط إنك تعمل دا بالعكس من أفضل الوسائل اللي هتتعلم عن طريقها التصميم إنك تتعلم بالتقليد، وانا شخصياً كنت بعمل في المرحلة دي كتير كمان!


علشان محدش يفهم كلامي غلط اللي أقصده بالتعلم بالتقليد أو الهدف الأساسي منه هو التدريب أو اكتساب مهارة تكنيك معين في التصميم.


على سبيل المثال انا فاكر أني كنت بشوف حاجات ما مثلاً وبسأل نفسي هي اتعلمت إزاي؟ وعلشان اعرف الإجابة كنت ببدأ أحاول انفذها فعلاً علشان أتدرب على التكنيك دا او علشان أحاول أعرف إزاي انفذه فعلاً وأكتسبه.


دا الهدف الأساسي من التعلم بالمحاكاة أو التقليد، لكن مينفعش إطلاقاً تنسب الشغل دا لنفسك مثلاً أو تعتمد على كدا في شغلك نفسه طبعاً.
 
 التغذية البصرية والاستلهام

التغذية البصرية والاستلهام المستمر دي حاجة لازم تعملها سواء كان عندك خبرة 20 سنة في مجال التصميم أو لسا بادئ حياتك التصميمة إمبارح!


شخصياً انا مخصص نص ساعة لحد ساعتين يومياً -علي حسب اليوم- بقضيها في الاستلهام على موقع بيهانس بس، ودي حاجة تحولت بالنسبالى لعادة بعملها كل يوم.


الاستلهام والتغذية البصرية من أهم الحاجات اللي هتفيدك كمصمم وتساعدك تحسن مستواك في أسرع وقت، بس في نقطة لازم تعرفها الأول وهي إنك لازم تشوف شغل جودته عالية حتي لو كان بعيد عن مجالك (يفضل طبعاً أنه يكون في مجالك).


لأن اللي بيحصل إن كل التغذية البصرية مع الوقت بتتخزن في عقلك الباطن وبتبدأ تنعكس على شغلك بشكل كبير من غير حتي ما تلاحظ دا بس هتدركه مع الوقت ودا السبب اللي علشانه بقول إنها من أسرع -وأقصر- الطرق اللي هتساعدك تطور من نفسك كمصمم أو مبدع عموماً.


بس للأسف الاستلهام المستمر والتغذية البصرية ليها أعراض جانبية، زي إنك بعد كتير من الاستلهام ممكن تكتشف إنك عملت حاجة أنت فعلاً شوفتها قبل كدا بس مش فاكر دا، أو إنك تعمل شغل مقارب لحاجة بتشوفها باستمرار.


الحل في إنك تتغلب على المشكلة دي هي إنك تنوع مصادرك الاستلهامية بقدر الإمكان ومتعتمدش بس علي مصدر أو شخص واحد في الاستلهام وإلا هينتهي بيك المطاف كنسخة أقل منه، وحاول دايماً تطور في أفكارك وانت بتنتجها عشان تتجنب أي تكرار لأفكارك.


إيه أفضل المصادر للاستلهام؟
مصادر الاستلهام كتيرة ومتنوعة ومنها المخصص لمجالات بس في حد ذاتها، شخصياً بستخدم 5 مواقع للاستلهام بشكل أساسي، هتلاقي فيهم كتير من الأفكار العبقرية في مختلف مجالات التصميم.


1. Pinterest


سواء للمصممين او غير المصممين Pinterest هو أفضل موقع حالياً للاستلهام واستكشاف أفكار جديدة وجميلة في أي حاجة تقريباً.


2. Behance


بيهانس هو أكبر مجتمع للمصممين في العالم، مكاني المفضل في الاستلهام وكذلك مشاركة مشاريع قد تكون ملهمة لبعض الناس، أنصحك بتخصيص وقت يومي تقضيه علي الموقع وتحولها لروتين يومي إيجابي وهتستغرب من سرعة تطور مستواك كمصمم.


3. Dribbble


علي الرغم إن الموقع موجه بشكل أساسي لمصممين الويب عموماً إلا إنه مصدر رائع من مصادر الاستلهام أياً كان مجالك وهتكتشف فيه كتير من الأساليب المختلفة من أشهر المصممين حول العالم.


4. Artstation


الموقع يعتبر نسخة أفضل وأمتع من الموقع الشهير Deviant Art وبشكل عام مخصص لمجالات مثل Digital Art & Manipulation وبعض المجالات المشابهة، وأنصح به جداً خصوصاً للرسامين ومحبين الـ3D.


5. Awwwards


لو كنت بتحب تصميم الويب فا الموقع دا بالتأكيد هيكون أحد الأماكن المفضلة بالنسبالك.


وإذا مكنتش مهتم بتصميم الويب هو برضه المفروض يكون أحد أهم مصادرك للاستلهام لإنه بيكون فيه كتير من التصاميم المتقنة بشكل كبير واللي هتتعلم منها كتير.


وأخيراً الطبيعة واللي بعتبرها أحد أهم مصادر الاستلهام واللي غالباً ما بيتم تجاهلها نظراً لإننا بقينا عايشين في عصر التكنولوجيا :broken_heart:.


حاول تخصص وقت تستكشف فيه الطبيعة المحيطة بيك أو اللي بتشوفها كل يوم ولكن من وجهة نظر مختلفة زي إنك تحاول تطبق عليها أساسيات التصميم اللي اتعلمتها فوق، وهتندهش من اللي ممكن تتعلمه منها.


6- طّور اسلوبك الخاص!
دي آخر نقطة هتكلم فيها وتعتبر آخر مرحلة هتوصلها، بالتأكيد هي بتاخد حبة وقت عشان تقدر تحققها بالتالي حاول متستعجلش عليها وهي إنك تطور ستايل يكون خاص بيك وبيعبر عنك.


زي ما في مغنيين بتعرف أغانيهم من اللحن ومن قبل ما يتكلموا حتي، كذلك الأمر في مصممين لو شوفت شغلهم مش هتحتاج تشوف اسمهم عليه علشان تعرف أنه شغلهم، دا تقريباً الهدف الأسمى والأصعب لأي مصمم في مختلف المراحل واللي كل المصممين بيحاولوا يحققوه.


على سبيل المثال ستايل كريم مرغني في التايبوجرافي، من الأساليب المميزة جداً واللي قدر يطوره لحد ما بقى ستايل خاص بيه وبيعبر عنه بشكل كبير ودا هيخلي أي حد بيشوف شغله بيربطه بيه بشكل تلقائي.


زي ما قولتلك دي مرحلة متقدمة في التصميم بس مهم تعرفها وتحط تركيزك عليها وتفكر فيها دايماً وأنت شغال لإنك لو معملتش كدا مش هتقدر تبقي مميز عن غيرك وممكن كمان تبقي تقليدي لو ما اشتغلتش على تطوير نفسك واسلوبك الخاص.


الخلاصة
الموضوع كبير وممكن يحتاج كم كبير من المقالات، انا بس في المقال دا حبيت أوصلك حاجات مهمة وشخصياً كانت هتفرق معايا كتير لو كنت عرفتها في المرحلة دي.


إن شاء الله هتكلم أكتر عن التصميم وتكملة للمقال دا في مقالات قادمة هشارك فيها كم أكبر من التجارب والخبرة اللي ممكن تفيدك.


في الأخير لو عندك أي سؤال متعلق بالتصميم تقدر تكتبه في تعليق وهكون سعيد جداً بمساعدتك في إيجاد إجابة ليه :heart:


تعرف شخص حابب يتعلم أكتر عن التصميم؟ ساعده يبدأ أول خطوة في رحلته كمصمم واعمله منشن أو شارك المقال عشان تساعد في الوصول ليه :heart:

" ======================================================= "

" انتهى الاعلان او الموضوع او الخبر "


نحن بحاجة الى دعمكم : ادعمونا بالنقر على الرابط لجمع تبرعات للموقع من خلال النقر جازاكم الله كل خير

ميز اعلانك من هنا : اعلان رابط نصي دو فلو على منتديات هندسة بلا حدود 5$ فقط لشهر واحد - متجر خدمة لي

اعلان مميز : موقع بلا حدود


" فضلا وليس امرا شارك الموضع مع الجميع عبر المواقع لتعم الفائدة "
" اعلن هنا لمدة اسبوعين ب 5$ دولار انقر على الاعلان للحجز من خلال متجر خدمة لي او راسل نبيل الدم"




سهم الموضوع الأصلي : دليلك الشامل لتصبح مصمم جرافيك ناجح // المصدر : منتديات هندسة بلا حدود // الكاتب : mahmoud-alneder


توقيع العضو ; mahmoud-alneder



يعتبر موقع منتديات هندسة بلا حدود من المنتديات المشهورة والمهمة ومن المواقع الهندسية العربية على الانترنت ،وحتى الآن عدد الأعضاء المنتسبين له في المنتديات كأكبر تجمع هندسي عربي حتى الآن.
منتديات هندسة بلا حدود
#منتديات_هندسة_بلا_حدود
[ندعوك للتسجيل في المنتدى أو التعريف بنفسك لمعاينة هذا الرابط]


دليل المواقع الشامل
#دليل_المواقع_الشامل
[ندعوك للتسجيل في المنتدى أو التعريف بنفسك لمعاينة هذا الرابط]


دليلك الشامل لتصبح مصمم جرافيك ناجح

استعرض الموضوع السابق استعرض الموضوع التالي الرجوع الى أعلى الصفحة
odessarab الكلمات الدلالية (Tags)
odessarab رابط الموضوع
odessarab bbcode BBCode
odessarab HTML HTML كود الموضوع
الإشارات المرجعية والمشاركة عبر مواقع التواصل الاجتماعي
التعليق على الموضوع بواسطة الفيس بوك



الــرد الســـريـع
منتديات هندسة بلا حدود

هام جداً: قوانين المساهمة في المواضيع. انقر هنا للمعاينة



* ______________________________________________ آخر المواضيع في منتديات هندسة بلا حدود ______________________________________________ *
الموضوع
تاريخ ارسال المشاركة
بواسطة
أي بيزنس بارك العاصمة الإدارية 
مجمع المسواك لطب الأسنان حي الحمراء
شركة الدعم الطبي
مجموعة سواعد وافكار للاستشارات والدراسات والابحاث
سارع لربح $150 بمجهود بسيط مع الاثبات مع منصة استقل للخدمات المصغرة
الآن رابطك النصي في 3 مواقع مميزة , فقط ب 10 دولار شهريا
التخليص الجمركي
متجر اكوادي
Appedia - ابيديا
مستودع غذائي مرخص من هيئة الغذاء والدواء
اليوم في 3:09 pm
أمس في 10:05 pm
أمس في 10:27 am
الأربعاء 03 مارس 2021, 1:12 am
الثلاثاء 02 مارس 2021, 8:43 pm
الثلاثاء 02 مارس 2021, 8:23 pm
الثلاثاء 02 مارس 2021, 7:49 pm
الثلاثاء 02 مارس 2021, 7:32 pm
الثلاثاء 02 مارس 2021, 6:49 pm
الإثنين 01 مارس 2021, 2:39 pm

أقسام رئيسية روابط خارجية خدمات وعروض روابط خارجية
القران الكريمالقران الكريم جديد رابط موقعك في موقعينرابط موقعك في موقعين اضافة موقعك في 2000 موقع ودليلاضافة موقعك في 2000 موقع ودليل خدماتنا على موقع اي خدمةخدماتنا على موقع اي خدمة
اخر الاخبار | رياضة | مباشر | عاجلاخر الاخبار | رياضة | مباشر | عاجل اروج لاعلانك ب 200 منتدى وموقعاروج لاعلانك ب 200 منتدى وموقع إضافة موقعك اومدونتك هناإضافة موقعك اومدونتك هنا خدماتنا على موقع كفيلخدماتنا على موقع كفيل
اشهار المواقع | دليل المواقع | اشهار مجانااشهار المواقع | دليل المواقع | اشهار مجانا نشر مقالة ترويجية عن موقعكنشر مقالة ترويجية عن موقعك فحص شامل SEO لموقعكفحص شامل SEO لموقعك خدماتنا على موقع خمساتخدماتنا على موقع خمسات
وظائف شاغرة | اعلانات | تسويقوظائف شاغرة | اعلانات | تسويق احجز اعلانك من خلال متجر خدمة لياحجز اعلانك من خلال متجر خدمة لي متجر خدمة لي | لبيع الخدمات المصغرةمتجر خدمة لي | لبيع الخدمات المصغرة استقل | منصة عربية للخدمات المصغرةاستقل | منصة عربية للخدمات المصغرة

فرصة لا تعوض لفترة محدودة اعلان رابط نصي دوفلو او نوفلو Nofollow/Dofollow يظهر بكل الصفحات باك لينك قوي جدا على منتديات هندسة بلا حدود و موقع بلا حدود 5$ لشهر

Flag Counter منتديات هندسة بلا حدود


تعرف على منتديات هندسة بلا حدود

يعتبر موقع منتديات هندسة بلا حدود من المنتديات المشهورة والمهمة ومن المواقع الهندسية العربية على الانترنت ،وحتى الآن عدد الأعضاء المنتسبين له في المنتديات كأكبر تجمع هندسي عربي حتى الآن .ويهدف الموقع إلى نشر المعرفة الهندسية وتقديم كل ماله فائدة للمهندسين والفنيين والمهتمين من خلال أقسامه العلمية والهندسية المتعددة ،بالإضافة إلى وجود أقسام عامة تستقطب الكثير لمختلف النقاشات الهادفة.

جميع الحقوق محفوظة © منتديات هندسة بلا حدود Powered by phpBB ® Copyright © 2012 - 2020

لا مانع من الاقتباس واعادة النشر شريطة ذكر المصدر منتديات هندسة بلا حدود. الآراء والتعليقات المنشورة تعبر عن رأي أصحابها فقط - اقرأ قوانين المنتدى.
تصميم منتديات هندسة بلا حدود نبيل الدم